Шрифт
Месяцеслов / Календарь 2024
3 августа 2024 года - Суббота
Седмица 6-я по Пятидесятнице, глас 4
Сегодня Святая Церковь совершает память:
Прор. Иезекии́ля (VI в. до Р. Х.); юрод. Симео́на Палестинского и прп. Иоа́нна, спостника его (ок. 590).
Прпп. Ону́фрия Молчаливого и Они́сима затворника, Печерских, в Ближних пещерах (XII–XIII); мч. Ви́ктора Марсельского (ок. 290).
Сщмч. Петра Голубева, пресвитера (1938); Обре́тение мощей исп. Романа Медведя, пресвитера (1999).
Читать Священное Писание вместе с Церковью:
Преподобным Симеону, Христа ради юродивому, и Иоанну, спостнику его
Тропарь, глас 4:
Бо́же оте́ц на́ших,/ творя́й при́сно с на́ми по Твое́й кро́тости,/ не оста́ви ми́лость Твою́ от нас,/ но моли́твами их// в ми́ре упра́ви живо́т наш.
Кондак, глас 2:
Во пло́ти я́вльшася безпло́тнаго и доброде́тельми преми́рно просия́вшаго,/ Симео́на равноа́нгельнаго и Богоно́снаго восхва́лим,/ с ни́мже Иоа́нна приснопа́мятнаго, ве́рою и любо́вию,// я́ко моля́щияся Го́споду непреста́нно о всех нас.
Кондак, глас 8:
Христо́вою любо́вию распала́еми, сла́внии,/ вся, я́же в житии́, преподо́бнии, оста́висте/ и, яре́м Его́ прие́мше и свой крест на ра́мо взе́мше,/ подража́тели Того́ житию́ бы́сте/ и Боже́ственныя Его́ сла́вы прича́стницы,/ Иоа́нне Богому́дре с Симео́ном чу́дным,// непреста́нно моли́теся о всех нас.
Пророку Иезекиилю (житие / история праздника)
Тропарь, глас 2:
Проро́че Бо́жий Иезеки́иле,/ предзре́вый затворе́нная Ду́хом врата́/ и Плотоно́сца, во исхо́де сих, Еди́наго сказа́вый Бо́га,/ Того́ моли́, мо́лимся,/ да отве́рзет дверь ми́лости Своея́// и спасе́т ду́ши благоче́стно пою́щих па́мять твою́.
Кондак, глас 4:
Бо́жий яви́лся еси́ проро́к, Иезеки́иле чу́дне,/ воплоще́ние Госпо́дне всем провозвести́л еси́,// Сего́ А́гнца и Зижди́теля, Сы́на Бо́жия, я́вльшася во ве́ки.
Священноисповеднику Роману Медведю (житие / история праздника)
Тропарь, глас 4:
Кроншта́дтскаго па́стыря ча́до духо́вное,/ фло́та Черномо́рскаго окорми́теля,/ моско́вския па́ствы похвалу́ и ра́дование,/ испове́дника правосла́вныя ве́ры непоколеби́маго,/ сохра́ньшаго в страда́ниих свои́х/ Безце́нный Би́сер – Христа́,/ прииди́те, ве́рнии,/ све́тло просла́вим священноиспове́дника Рома́на и воспои́м ему́:// моли́, па́стырю до́брый, Христа́ Бо́га спасти́ся душа́м на́шим.
Кондак, глас 2:
Чистото́ю душе́вною боже́ственне вооружи́вся и непреста́нныя моли́твы, я́ко копие́, вручи́в кре́пко, пробо́л еси́ бесо́вская ополче́ния, Романе о́тче наш, моли́ непреста́нно о всех нас.
Каноны, акафисты и последования
